Ички ишлар органларининг патруль-пост хизмати фаолиятини сифат жиҳатидан янги босқичга кўтариш ҳамда замонавий ахборот технологияларини жорий этиш мақсадида, Вазирлар Маҳкамаси қарори муҳокамага қўйилди.
Унга кўра, 2023 йил 1 январдан бошлаб ички ишлар органларида босқичма-босқич Е-patrul тизими жорий этилиб, текшириш учун фуқарони ички ишлар бўлимига олиб бориш амалиётидан воз кечилади ва барча маълумотлар жойида планшет орқали текширилиб, патруль-пост хизмати ходимлари фаолияти "бодикамера"дан фойдаланган ҳолда амалга оширилиши йўлга қўйилсин.
Қуйидагиларни назарда тутувчи Патруль-пост хизмати саф бўлинмалари ходимлари томонидан жамоат жойларида ҳуқуқбузарликлар содир этишда гумон қилинаётган фуқаролар ва бошқа шубҳали шахсларни электрон идентификация қилиш тартиби тўғрисидаги низом иловага мувофиқ тасдиқлансин:
Е-patrul тизимидан фойдаланиш тартиби;
патруль-пост хизмати ходимлари ҳаракатларини қайд этувчи техник воситалардан фойдаланиш тартиби;
Бодикамералар орқали қайд этилган маълумотларни ҳисобга олиш ва сақлаш тартиби;
Е-patrul тизимидан фойдаланишда ходимнинг мажбуриятлари.
