Ўзгидромет хабарига кўра, бугун, 15 апрель куни Ўзбекистон бўйича кам булутли ва илиқ об-ҳаво бўлиши кутилмоқда. Кундузи ҳаво ҳарорати +28...+33 даража атрофида бўлади.
Дам олиш кунлари ҳудудларнинг катта қисмида ёғингарчиликсиз об-ҳаво сақланиб туради, фақат Қорақалпоғистонда, Хоразм вилоятида ҳаво булутли бўлишида баъзи жойларда қисқа муддатли ёмғир ёғади, шунингдек момақалдироқ бўлиши мумкин.
Чўл ҳудудларда ва шимолда баъзи жойларда шамол 17-22 м/с гача кучаяди, айрим жойларда чанг тўзон кузатилади.
Ушбу кунларда ҳаво ҳарорати кечалари +14...+19 даражани, кундуз кунлари +30...+35 даражани ташкил етади, бу меъёрий қийматлардан 6-8 даража юқори бўлади.
