Москва шаҳридаги Бригадирск кўчасидаги бинолардан бирида олиб борилаётган таъмирлаш ишлари вақтида бинонинг томи қулаб тушди, дея хабар берди Ўзбекистон Ташқи меҳнат миграцияси агентлиги.
Хабарда айтилишича, Ташқи меҳнат миграцияси агентлигининг Москва шаҳридаги ваколатхонаси томонидан ўрганишлар натижасида аниқланишича, таъмирлаш ишларида ўзбекистонлик меҳнат мигрантлари бўлган. Ҳодиса оқибатида икки нафар ўзбекистонлик меҳнат мигрантларининг бири Э.Н. ҳалок бўлган ва яна бир нафари М.Х. шифохонага ётқизилган.
Ҳозирги вақтда вафот этган ўзбекистонлик меҳнат мигрантининг жасадини ватанга қайтариш чоралари кўрилмоқда.
