Маълум қилинишча, жорий йилнинг 23 апрель куни соат 13:40 ларда Жиззах вилояти ФВБга Дўстлик тумани ҳудудидаги йўлда ЙТҲ содир бўлганлиги тўғрисида маълумот келиб тушган.
Аниқланишича, Гагарин-Жиззах йўналишида ҳаракатланаётган Nexia қарама-қарши йўналишдаги Laccetti билан тўқнашуви натижасида ЙТҲ содир бўлган.
Қутқарув ишлари давомида Laccetti салонида қисилиб қолган ҳайдовчи махсус ускуналар ёрдамида чиқарилган ва тиббиёт ходимларига топширилган.
Аммо, Nexia ҳайдовчиси оғир тан жароҳатлари туфайли воқеа жойида вафот этган. Яна уч нафар фуқаро турли тан жароҳатлари билан Мирзачўл тумани тиббиёт бирлашмасига ётқизилган.
