Президент қарорига кўра, эндиликда майнинг фақат юридик шахс томонидан қуёш фотоэлектр станциясида ишлаб чиқарилган электр энергиясидан фойдаланган ҳолда амалга оширилиши мумкин.
Ягона электр энергетика тизимига уланган ҳолда электр энергиясидан фойдаланилганда:
- истеъмол қилинган энергия учун тўлов белгиланган тарифга 2 баравар оширилган коэффициент ёрдамида амалга оширилади;
- электр энергиясининг энг кўп даврида истеъмол қилинганлиги учун тегишли тарифларга Вазирлар Маҳкамаси томонидан белгиланган қўшимча тўловлар қўлланилади;
- истеъмол қилинган электр энергиясини ҳисобга олиш алоҳида ҳисобга олиш мосламасини ўрнатиш билан амалга оширилади.
Қайд этилишича, майнинг истиқболли лойиҳалар миллий агентлик томонидан мажбурий рўйхатдан ўтказилиши керак бўлади.
Майнинг билан шуғулланувчи шахсларни, (майнерлар) рўйхатга олиш фақат электрон шаклда, интернет орқали амалга оширилади. Майнерлар ўз фаолиятини фақат рўйхатга олиш пайтида кўрсатилган манзилда, ёнғин хавфсизлиги ва санитария нормалари ва қоидаларига риоя қилган ҳолда амалга ошириш ҳуқуқига эга.
Майнинг истиқболли лойиҳалар бўйича миллий агентлик томонидан мажбурий рўйхатдан ўтказилиши керак.
