"Space Technology Conference STC-2022" биринчи Марказий Евроосиё конференцияси доирасида Вазирлар Маҳкамаси ҳузуридаги Космик тадқиқотлар ва технологиялар агентлиги ("Ўзбеккосмос") ва Ўзбекистон ўртасида ўзаро ҳамкорлик меморандуми имзоланди.
Меморандумдан кўзланган асосий мақсад Британиянинг сунъий йўлдош алоқа компанияси OneWeb'ни Ўзбекистон бозорига жалб этишдан иборат. Меморандум OneWeb геостационар бўлмаган сунъий йўлдош алоқа тизими хизматларидан Ўзбекистон бозорига кириш бўйича ҳамкорликка оид қатор тадбирларни, жумладан, тартибга солиш масалаларини муҳокама қилиш ва давлатнинг асосий эҳтиёжларини аниқлашни назарда тутади.
Меморандум доирасида "Ўзбеккосмос" ва OneWeb ўртасида сигнал кечикиши ва юқори ўтказувчанликка эга OneWeb инновацион паст орбитали сунъий йўлдош телекоммуникация тизимидан фойдаланиш бўйича экспертиза марказини ташкил этиш бўйича келишувга эришилди.
Томонлар чекка ва бориш қийин бўлган қишлоқ аҳоли пунктларини, шунингдек, иқтисодиётнинг турли тармоқлари корхоналарини OneWeb алоқа сунъий йўлдошлари орқали юқори тезликдаги кенг полосали интернет билан таъминлашни амалга ошириш масалаларини ишлаб чиқиш бўйича зарур саъй-ҳаракатларни амалга оширишга келишиб олдилар.
"Ўзбеккосмос" Бош директори Шуҳрат Қодиров OneWeb билан меморандум имзолангани космик алоқаларни ривожлантиришда муҳим воқеа эканини, Ўзбекистонда OneWeb телекоммуникация хизматларининг мавжудлиги ривожланишга оид давлат дастурларида назарда тутилган вазифаларни самарали амалга оширишини ва ахборот технологиялари ва инновацион алоқа хизматларини республиканинг чекка ҳудудларида ҳам мавжудлиги таъминланишини таъкидлади.
