Тошкент шаҳар ҳокимлиги Матбуот хизматининг хабарига кўра, 9 апрель — соҳибқирон Амир Темур таваллудининг 687 йиллиги муносабати билан «Темурбеклар мактаби» ҳамда «Ёш чегарачи» академик лицейлари ўртасида югуриш мусобақаси ўтказилиши режалаштирилган. Шу сабабли, жорий йилнинг 2 апрель куни қуйидаги кўчаларда автотранспорт воситаларининг ҳаракат чекланади:
соат 07:00 дан 08:00 гача
— Янги Ўзбекистон кўчасининг Истиқлол кўчасидан 3 қаватли йўл ўтказгичгача бўлган қисмида қисман;
08:00 дан 12:00 гача
— Янги Ўзбекистон кўчасининг Истиқлол кўчасидан 3 қаватли йўл ўтказгичгача бўлган қисмида ҳар икки йўналишда тўлиқ;
08:00 дан 12:00 гача
— Жасорат тор кўчасининг Жасорат кўчасидан Янги Ўзбекистон кўчасигача бўлган қисми ёпилади.
