Энергетика вазирлиги Матбуот хизматининг хабар қилишича, Бухоро ва Навоий вилоятларида кучли шамол эсиши натижасида соат 17:00 ҳолатига айрим электр узатиш тармоқлари хавфсизликни таъминлаш мақсадида ўчирилди.
Бунинг натижасида:
Бухоро вилоятининг Шофиркон, Пешку ва Ғиждувон туманларидаги жами 6000 та истеъмолчининг;
Навоий вилоятининг Нурота, Навбаҳор, Конимех ва Кармана туманларидаги жами 23 560 та истеъмолчининг электр таъминотида узилиш бўлмоқда.
Ҳудудда кучли шамол эсиши пасайгандан сўнг электр таъминоти қайта тикланади.
