Маълум қилинишича, ўзбекистонлик бўлган 22 ёшли йигит Гвардейский тумани маҳаллий от спорти клубида ишлаб, шу ердаги 16 ёшли чавандоз қизни ёқтириб қолган. У жорий йилнинг 29 август куни кечаси қизни пичоқ билан қўрқитиб, уни ўзи билан Храброво аэропортига боришга мажбурлаган. Йигит бу йўл орқали қизни Ўзбекистонга олиб келмоқчи бўлган.
Аммо, аэропорт ҳуқуқ-тартибот идоралари томонидан йигит қўлга олинган. Қиз касалхонага олиб кетилган. У ерда унга зарур тиббий ёрдам кўрсатилмоқда.
Йигитга нисбатан Россия ЖКнинг 126-моддаси (вояга этмаган шахсни қурол ишлатиш ва ҳаёт ёки соғлиқ учун хавфли зўравонлик билан ўғирлаш) моддасининг бир нечта қисмлари билан жиноят иши қўзғатилган.
