Аввалроқ, ижтимоий тармоқда Тошкентнинг Янгиҳаёт туманида 17 ёшли Туркия фуқароси 6-қават ойнасидан тушиб кетиш натижасида вафот этгани ҳақида хабарлар тарқалди.
Бош прокуратура Матбуот хизматининг UzNews.uz сўровига жавобан маълум қилишича, ҳодиса 30 ноябрь куни соат 18:30 ларда содир бўлган.
Янгиҳаёт туманида жойлашган кўп қаватли уйларнинг бирида яшаган 2006 йилда туғилган вояга етмаган қиз номаълум сабабларга кўра, 6-қаватдан ўзини ташлаган. Олган тан жароҳатлари оқибатида у шифохонада вафот этган.
Ҳолат юзасидан терговга қадар текширув ҳаракатлари олиб борилмоқда.
