Жорий йилнинг дастлабки 10 ойида Қозоғистондан Ўзбекистонга автомобиллар экспорти 18 бараварга ошди. Бу ҳақда LS нашри хабар бермоқда.
Статистикага кўра, жорий йилда Қозоғистондан автомобиль экспорти миқдори 3 бараварига ошиб, жами 6 мингни ташкил қилган. Ўтган йилда Қозоғистон 1,9 минг дона автомобиль экспорт қилган эди.
Ўзбекистон энг кўп автомобиль импорт қилган – нақ 3,1 минг дона (+1872%), кейинги ўринларни Россия (2,8 минг дона, +64%), Қирғизистон (59 та, +228%) эгаллаган.
Ўзбекистон импорт қилинган автомобиллар учун 67 млн доллар сарфлаган.
Аввалроқ, Ўзбекистон Қозоғистонга 109,8 млн. АҚШ долларилик автомобиль экспорт қилгани айтилганди.
2020 йилнинг январь-сентябрь ойларида Ўзбекистонга 349,3 млн AҚШ долларлик енгил автомобиллар импорт қилингани маълум қилинганди.
