Тошкент шаҳар ИИББ Ахборот хизмати ижтимоий тармоқларда тарқалган бир неча автомобиль иштирокидаги ЙТҲ бўйича маълумот берди.
Маълум қилинишича, 6 ноябрь куни тахминан соат 21:30 да Юнусобод туманининг Амир Темур кўчасида ЙТҲ содир бўлган.
31 ёшли У. Р. Ишончнома асосида бошқарган Nexia-3 автомобили 18 ёшли Д. Х. бошқарувидаги BМW (давлат рақами 01 850 BМW) билан тўқнашиб кетган. Натижада BМW ҳайдовчиси боўқарувни йўқотиб, назоратсиз тарзда ҳаракатни давом эттириб, 8 автомобил — KIA Carnival, Spark, Matiz, Cobalt, Malibu ва учта Captiva’га урилган.
ЙТҲ оқибатида BMW ҳайдовчиси тан жароҳати олиб тиббий ёрдамга мурожаат қилган.
Дастлабки тахминларга кўра, ЙТҲга Nexia-3 автомобилининг қайрилиб олишида асосий йўлдан келаётган BMW’га йўл бермаслиги сабаб бўлган. Айни пайтда ҳодисани ўрганиш давом этмоқда.
