Ўзбекистонда мактабларда 2021/2022-ўқув йилидан бошлаб янги мажбурий фан – табиий фанлар (Science) киритилади. Бу ҳақда “Ўзбекистон 24” телеканали хабар берди.
Янги фан ўз ичига атрофимиздаги олам, табиатшунослик, биология, география, кимё, физика фанларини олган. Дастлабки икки фанни ўқитиш 1 ва 2-синфлардан бошланади. Қолганлари эса 6-синфдан бошлаб ўқитилади.
“Ушбу фаннинг устунлиги ва муҳимлиги шундаки бу орқали ўқувчида илмий дунёқараш шаклланади”, - дейилади репортажда.
Таъкидланишича, ушбу фанни ўқитиш орқали табиий фанларнинг бошланғич тушунчалари ўргатилади. Бу келажакда ўқувчининг халқаро тадқиқотларда муваффақиятли иштирок этишини таъминлайди.
