Жорий йилнинг 26 апрель куни Ватиканнинг Авлиё Пётр майдонида Рим папаси Франсискнинг дафн маросими бўлиб ўтди.
Унда Ўзбекистон Олий Мажлиси Сенати Раисининг биринчи ўринбосари Содиқ Сафоев ҳам Ўзбекистон томонидан расмий вакил сифатида қатнашди. Бу ҳақда Олий Мажлис Сенати Матбуот хизмати хабар берди.
Дафн маросимида жаҳоннинг кўплаб мамлакатлари раҳбарлари, қироллик оилаларининг аъзолари ва таниқли дин арбоблари иштирок этди.
Эслатиб ўтамиз, Рим папаси Франсиск 2025 йил 21 апрель куни 88 ёшида Ватикандаги қароргоҳида вафот этган этгани ҳақида хабар берган эдик.
Ўзбекистон президенти Шавкат Мирзиёев Рим папаси Франсискнинг вафоти муносабати билан Рим-католик черкови Камерленгоси Кардинал Кевин Фарреллга ҳамдардлик йўллаган эди.
