Аввалроқ, Хонанда Дилфуза Исмоилова фирибгарлик қурбонига айлангани ҳақида хабар қилган эдик.
Маълум қилинишича, фирибгар нафақат хонандага балки бошқа шахсларни ҳам чув туширган. 55 ёшли судланувчи жазо муддатини отаётган танишининг номига 1,5 млрд сўм кредит олган. Бошқа фуқароларнинг номида бўлган хонадонларни гаровга қўйган.
Судланувчи аввалига хонанданинг “гап”ига қўшилган. Сўнгра ўзини цитрус мевалар савдоси билан шуғулланувчи тадбиркор сифатида кўрсатиб, унинг ишончига кирган. У четдан келаётган цитрус меваларнинг ҳар бир юк машинасидан 25-30 минг фойда олаётганини айтган. Бунга ишонган Дилфуза Исмоилова “Мен ҳам бизнес бошламоқчи эдим, яхши режа экан, пул тикаман” деган. Улар фойдани тенг бўлишга келишган. Шу тариқа хонанда судланувчининг тузоғига тушиб қолган.
Ҳолат юзасидан суд иши ЖИБ Учтепа тумани судида кўриб чиқилди. Бу ҳақда “Миллар” дастури хабар қилди.
Судланвчига ЖКнинг 59-61 моддалари тартибида тайинланган жазоларни қисман қўшиш йўли билан 6 йил 4 ой муддатга озодликдан маҳрум қилиш жазоси тайинланди.