Маълум қилинишича, Ер усти ҳалқа йўли йўналишининг “Технопарк – Қипчоқ” бекатлари оралиғида босқичма-босқич 3 ой муддатга мўлжалланган режали профилактик ишлар амалга оширилади. Бу ҳақда "Тошкент метрополитени" ДУК маъмурияти Матбуот хизмати хабар қилди.
Шу муносабат билан жорий йилнинг 8 июнь санасидан бошлаб, 2 та бекат “Турон (13-бекат) - Қипчоқ (14-бекат)” бекатлари оралиғида метро поездлар ҳаракати тўхтатилади.
“Тошкент метрополитени йўловчиларга ноқулайлик ҳосил қилмаслик мақсадида, “Қипчоқ–Қурувчилар–Қипчоқ” метро бекатлари оралиғида бепул хизмат кўрсатувчи катта сиғимли автобуслар (метробус) ҳаракати йўлга қўйилади”,- дейилади хабарда.
Маълумот ўрнида, ушбу автобусларнинг кунлик иш вақти тонги 05:00 дан тунги 23:00 га қадар амалга оширилади.
Комментарии