Бугун, 8 июль куни соат 13:30 атрофида Шайхонтоҳур тумани Кўкча Дарвоза кўчасида, ҳайдовчи Ф.Х. Тиcо русумли автомашинасини бошқариб кетаётган вақтда ЙТҲ содир қилди. Бу ҳақда Тошкент шаҳар ИИББ ЙҲХБ Ахборот хизмати хабар қилди.
Маълум қилинишича,ҳайдовчи йўлни белгиланмаган жойидан югуриб кесиб ўтаётган 2022 йилда туғилган вояга етмаган пиёда А.Ш.ни уриб юборган.
ЙТҲ оқибатида пиёдага шифокорлар томонидан биринчи тиббий ёрдам кўрсатилган.
"Мазкур ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда",- дейилади хабарда.
Комментарии