Бугун, 21 июль куни Тошкент шаҳар Олмазор тумани Узумбоғ кўчасида ҳавога перекис водород сизиб чиққани айтилган хабар ижтимоий тармоқларга сиздирилди. Ушбу ҳолат юзасидан Тошкент шаҳар ФВБ изоҳ берди.
Хабарга асосан, воқеа содир бўлган жойга Тошкент шаҳар ФВБнинг Радиацион, кимёвий ва тиббий-биологик ҳимоя бўлимлари етиб борган.
Бирламчи маълумотларга кўра омборхонада жойлашган сиғимдан перекис водород моддаси очиқ ҳавога сизиб чиқиши кузатилган.
Вазият тўлиқ назоратга олинган бўлиб, барча тегишли хизматлар воқеа жойида ҳамкорликда иш олиб борган.
Тошкент шаҳар ФВБ Радиацион, кимёвий ва тиббий-биологик ҳимоя бўлимлари томонидан ушбу ҳолат соат 04:00 да тўлиқ бартараф этилган. Ҳозирда ҳолат юзасидан суриштирув ишлари олиб борилмоқда.
Комментарии