АҚШнинг Флорида штатидаги Маями-Бич шаҳрида баржа бортида болалар бўлган елканли яхтага бориб урилиши натижасида икки нафар вояга етмаган болаҳалок бўлди, яна икки нафари оғир аҳволда шифохонага ётқизилди. Бу ҳақда Associated Press агентлиги хабар берди.
"Елканли қайиқдаги олти кишининг барчаси қутқарувчилар томонидан сувдан олиб чиқилди, тўрт нафар бола яқин орадаги шифохонага етказилди, кейинчалик улардан икки нафари вафот этгани эълон қилинди," - дейилади хабарда.
Аниқланишича, жабрланганлар етти ёшдан 15 ёшгача бўлган болалар учун мўлжалланган елканли оромгоҳ иштирокчилари бўлган. Яхта баржа остида қолиб кетган. Ҳодиса тафсилотлари АҚШ Қирғоқ қўриқлаш хизмати томонидан ўрганилмоқда.
Комментарии