Ўзбекистон Эквадор билан Жаҳон савдо ташкилотига аъзо бўлиш доирасидаги икки томонлама музокараларни якунлади. Бу ҳақда президентнинг ВТО бўйича вакили Азизбек Урунов маълум қилди.
Маълумотга кўра, икки томонлама музокараларни якунлаш тўғрисидаги баённома 6 ноябрь куни имзоланган.
Азизбек Урунов Эквадор томонига «самарали мулоқот ва қўллаб-қувватлагани учун миннатдорлик» билдирди.
«Биз жараённинг боришига тўлиқ ишонамиз ва қўшма саъй-ҳаракатларимиз билан фахрланамиз. Олдимизда яна ЖСТнинг икки аъзоси билан музокаралар турибди», — деди Урунов.
Шу тариқа, Ўзбекистон ЖСТга аъзо бўлиш йўлидаги музокараларни изчил давом эттирмоқда.
Комментарии