Тошкент вилояти ИИББ ЙҲХБ Матбуот хизмати хабарига кўра, ҳодиса 23 ноябрь куни соат 14:00 атрофида Бўстонлиқ тумани ҳудудидан ўтувчи Д-012 "Бектемир - Чорбоғ" автомобиль йўлида содир бўлган.
Тошкент шаҳрида яшовчи 41 ёшли Г.А. Honda мотоциклида пойтахт йўналишида юқори тезликда ҳаракатланиб кетаётган вақтида бошқарувни йўқотиб, йўл четидаги темир тўсиққа бориб урилган. Эркак олган тан жароҳатлари оқибатида воқеа жойида вафот этган.
Мазкур ҳолат юзасидан ЖКнинг 266-моддаси (одам ўлимига сабаб бўлган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилиб, тергов ҳаракатлари ўтказилмоқда.
Комментарии