Олий Мажлис Қонунчилик палатасининг навбатдаги мажлисида "Ўзбекистон Республикасининг Маъмурий жавобгарлик тўғрисидаги кодексига қўшимча ва ўзгартишлар киритиш ҳақида"ги қонун лойиҳаси биринчи ўқишда маъқулланди.
Қонун лойиҳаси билан транспорт воситаси сотилгунга қадар харидорни транспорт воситасининг босиб ўтган йўлини қайд этувчи одометр қурилмасининг кўрсаткичлари ўзгартирилганлиги ёки одометр қурилмасининг ўзи алмаштирилганлиги тўғрисида хабардор қилмаганлик учун жавобгарлик белгиланмоқда.
Жарима миқдори БҲМнинг 10 бараваридан 15 бараваригача (4,12 млн сўмдан 6,18 млн сўмгача) бўлади.
Одометр - бу транспорт воситасининг босиб ўтган йўлини кўрсатадиган асбоб. Унинг ишлаш принципи ғилдиракларнинг ҳаракат вақтида бажарадиган айланишларини ҳисоблашга асосланган.
Комментарии