Қарорга кўра, махсус комиссияга бир ҳафта муддатда Тошкент шаҳридаги 500 кв. м майдонда жойлашган қурилиш майдонларида комплекс текширувлар ўтказиш топширилди.
Улар қуйидаги талабларга риоя қилишлари керак:
- участка умумий майдонининг камида 25 фоизини кўкаламзорлаштириш
- сув пуркагичларининг мавжудлиги;
- қурилиш майдонларига кириш ва чиқиш йўлларида автотранспорт воситалари ғилдиракларини ювиш ҳавзалари;
- кузов тўлиқ брезент ёки ПВХ қоплама билан зич тент кўринишида ёпилган ҳолда қурилиш материаллари ва қурилиш чиқиндиларини ташиш.
Қурилиш майдончаларидан чиқишда ҳавога чанг ва қум зарраларининг кўтарилишига йўл қўймаслик бўйича мажбурий талабларга риоя қилиниши керак. Ҳавога ифлослантирувчи моддалар чиқаришнинг мазкур ҳудуд учун белгиланган нормативларидан ошиб кетишига йўл қўйилмайди.
Майдони 1 минг квадрат метрдан ортиқ бўлган қурилиш участкаларида фон мониторинг станциялари ўрнатилиши шарт. Уларнинг Экология қўмитаси билан интеграциялашуви қурилишни давом эттиришнинг асосий шарти ҳисобланади.
Комментарии