ДХХ матбуот хизмати хабарига кўра, Самарқанд вилояти ҳуқуқ-тартибот идоралари ходимлари йирик миқдордаги наркотик моддаларни ноқонуний олиб кириш ва сотиш билан шуғулланган жиноий гуруҳ фаолиятига чек қўйди.
Тезкор тадбир давомида тўрт нафар гумонланувчи - 1992 йилда туғилган чет эл фуқароси ва Самарқанд вилоятида яшовчи уч нафар Ўзбекистон фуқароси (1981 ва 1995 йилда туғилган) қўлга олинди.
Тергов маълумотларига кўра, хорижлик қурилиш ишлари учун мармар плиталар орасига яшириб, опий олиб келган. Маҳаллий аҳоли модда сотиш билан шуғулланган.
Тадбир натижасида тезкор ходимлар томонидан 37,4 кг экстраксион опий мусодара қилинган.
Мазкур ҳолат юзасидан жиноят иши қўзғатилган. Тергов олиб борилмоқда.
Комментарии