БААнинг Дубай шаҳридан Тошкент халқаро аэропортига учиб келиб, "яшил" йўлак орқали ҳаракатланган фуқаронинг ҳийласи божхона ходимлари назаридан четда қолмади. У ширинликлар орасига салкам 500 млн сўмлик заргарлик буюмларини яшириб, олиб ўтмоқчи бўлганда божхона ходимлари томонидан ушланди.
У ўзига тегишли бўлган қўл ва йўл сумкалари орасига, шунингдек, ширинликлар қадоғига тилла заргарлик буюмларини устомонлик билан яшириб, олиб ўтмоқчи бўлган.
Фуқаро шахсий кўрикдан ўтказилиб, унга тегишли юклар кўздан кечирилганда, 292 гр оғирликдаги 438 млн сўмлик заргарлик буюмлари борлиги аниқланди.
Ҳозирда ҳолат юзасидан суриштирув ҳаракатлари олиб борилмоқда.
Комментарии