ДХХ Тошкент шаҳар бошқармаси ходимлари томонидан пойтахт ИИББ билан ҳамкорликда ўтказилган тезкор тадбирда Учтепа тумани ҳокимлиги Уй-жой коммунал хизмат кўрсатиш ва ободонлаштириш бўлими бош мутахассиси қўлга олинган.
Ҳокимлик ходими жорий йилда Учтепа тумани ҳудудида бузилиши керак бўлган савдо ва бошқа объектлар рўйхати шакллантирилганини айтиб, тадбиркордан 3 минг доллар талаб қилган.
Бунинг учун у туман ҳокимлигининг юқори мансабдор шахслари билан алоқалари орқали тадбиркорга тегишли дўконни ушбу рўйхатга киритмасликка ва бузилишининг олдини олишга ваъда берган.
У тадбиркордан сўралган пулни олган вақтида ашёвий далиллар билан ушланди.
Мазкур ҳолат юзасидан ЖКнинг 168-моддаси 3-қисми "в" банди (кўп миқдорда фирибгарлик) ва 211-моддаси 1-қисми (пора бериш) билан жиноят иши қўзғатилиб, қамоққа олиш тарзидаги эҳтиёт чораси қўлланилган. Тергов олиб борилмоқда.
Комментарии