ИИВ ва ДХХ ходимлари томонидан Тошкент шаҳри Чилонзор туманида ўтказилган тезкор тадбирда 24 ёшли фуқаро 5,45 мм калибрли 22 дона жанговар ўқларни 1300 долларга сотаётган вақтида ушланди. Бу ҳақда ИИВ Матбуот хизмати хабар бермоқда.
Аниқланишича, ушбу фуқаро муқаддам Сурхондарё вилоятидаги ҳарбий қисмлардан бирида портлатувчи-ҳайдовчи бўлиб ишлаган. Маълум бўлишича, у ўқ-дориларни илгари хизмат қилган ҳарбий хизматчидан 10 млн сўмга сотиб олган.
Мазкур ҳолат юзасидан эркакка нисбатан ЖКнинг 248-моддаси 3-қисми (ўқотар қурол, ўқ-дорилар, ўқотар қуролнинг асосий қисмлари, портловчи моддалар, портлатиш воситалари ёки портлатиш қурилмалари билан қонунга хилоф равишда муомала қилиш) билан жиноят иши қўзғатилиб, тергов ҳаракатлари олиб борилмоқда.
Комментарии