Аввалроқ, Ўзбекистон 20 та партияда зарарли организмлар аниқлангани сабабли Хитойдан мандарин ва ананас импортига карантин рухсатномаларини расмийлаштиришни вақтинча тўхтатгани ҳақида хабар берган эдик.
Ўсимликлар карантини ва ҳимояси агентлигининг маълум қилишича, Хитой карантин хизмати томонидан берилган фитосанитария сертификатлари асосида 5 февралга қадар мандарин ва ананас маҳсулотларини олиб киришга рухсат берилади.
Барча юклардан белгиланган тартибда намуналар олиниб, фитосанитария талабларига мувофиқлиги бўйича назоратдан ўтказилади.
Агентликнинг яна бир бор таъкидлашича, мандарин ва ананасда аниқланган уч турдаги ҳашаротлар инсон саломатлигига хавф туғдирмайди, чунки ўсимлик касалликлари ва зараркунандалари инсон организмига зарар етказмайди.
"Хитой томони билан фитосанитария талабларига мувофиқ маҳсулотлар импортини таъминлаш бўйича музокаралар олиб борилмоқда. 2026 йилда Хитой ҳудудида Ўзбекистон фитосанитария талабларига жавоб берадиган боғлар ва қадоқлаш корхоналарининг янги реестри шакллантирилади," - дейилади хабарда.
Комментарии