Судланувчи М.С. 2022 йилда ишлаш мақсадида Россияга кетган, 2023 йилда гиёҳвандлик воситалари билан боғлиқ жиноят учун Москва шаҳрида ҳукм қилиниб, 6 йил 6 ой озодликдан маҳрум этилган. Жазони ўташ давомида у Россия Қуролли кучлари билан шартнома тузиб, 2025 йил май–август ойларида Россия–Украина қуролли тўқнашувларида иштирок этган.
Суд унинг қилмишини Ўзбекистон Республикаси ЖК 154-моддаси 1-қисми (ёлланиш) билан тўғри квалификация қилинган деб топди. Шу билан бирга, ЖК 223-моддаси 2-қисми “а,б” бандлари (давлат чегарасини ёриб ўтиш) бўйича айблов асоссиз деб топилиб, ушбу қисм бўйича реабилитация қилинди.
Суд М.С.ни ЖК 154-моддаси 1-қисми билан айбли деб топиб, унга 5 йил муддатга озодликдан маҳрум қилиш жазоси тайинлади. Жазо умумий тартибли колонияда ўталиши белгиланди.
Комментарии