Жорий йилдан бошлаб Қуролли Кучларнинг барча тоифадаги ҳарбий хизматчилари ўртасида ҳар йили «Маънавият қалқони» номли тўрт босқичли республика китобхонлик танлови ўтказилади. Бу ҳақда президент матбуот хизмати хабар берди.
Танловнинг:
- биринчи босқичи — ҳарбий қисмлар ва ҳарбий таълим муассасаларида
- иккинчи босқичи — ҳарбий округлар, бирлашмалар ва қўшилмаларда
- учинчи босқичи — Қуролли Кучлар таркибига кирувчи вазирлик ва идораларда ўтказилади
Якуний республика босқичида саралаш босқичлари ғолиблари ўзаро беллашади.
Якуний босқичда ғолиб бўлган тўрт нафар иштирокчи Қуролли Кучлар Олий Бош Қўмондонининг бош совғаси — замонавий электромобил ва дипломлар билан тақдирланади.
Шунингдек, совриндор ўринларни эгаллаган ҳарбий хизматчилар пул мукофотлари ва дипломлар билан рағбатлантирилади.
Давлатимиз раҳбари тақдим этилган таклифларни маъқуллаб, тегишли қарорни имзолади.
Комментарии