Ташқи меҳнат миграцияси агентлигининг собиқ бўлим бошлиғи Азизбек Тоштемиров Ўзбекистон томонидан Интерпол каналлари орқали халқаро қидирувга берилган.
Қидирув варақасида кўрсатилган маълумотларга кўра, А. Тоштемиров фирибгарлик жиноятини содир этганликда айбланмоқда.
Аввалроқ фуқароларни Жанубий Кореяга ноқонуний ишга юбориш билан боғлиқ коррупсион схема фош этилгани ҳақида хабар берган эдик. Ташқи меҳнат миграцияси агентлиги, хусусий бандлик агентликларининг собиқ ходимлари ва бошқа шахслар фирибгарлик йўли билан хорижда ишга жойлаштиришни ваъда қилиб, қарийб 90 млн доллар олган.
Комментарии