Бундай қарор Марказий банк Бошқарувининг бугунги навбатдан ташқари йиғилишида қабул қилинди.
Марказий банк ушбу қарорни инфляциянинг янада секинлашиб йил якунида прогноз кўрсаткичларига эришиш бўйича ишончнинг мустаҳкамланиши, иқтисодиётда ижобий реал фоиз ставкаларини сақлаб қолиш зарурати, шунингдек, пандемия шароитида инфляцияни пасайтириш ва иқтисодий фаолликни қўллаб-қувватлаш мақсадлари ўртасидаги мувозанатни таъминлаш билан изоҳлаган.
Эслатиб ўтамиз, июль ойи охирида, Марказий банк асосий ставкани йиллик 15 фоиз даражасида ўзгаришсиз қолдирган эди.
Жорий йилнинг 14 апрелида Марказий банкнинг асосий ставкаси 1 фоизга пасайтирилиб, йиллик 15 фоиз даражасида белгиланганди.
