9 сентябрь куни соат 13:25да Фарғона вилоятининг Олтиариқ туманида 27 ёшли Н.Қ. «ГАЗ-53» юк машинасида йўлнинг қатнов қисмига югуриб чиққан 6 ёшли М.О.ни уриб юборган.
Натижада вояга етмаган фуқаро М.О. тан жароҳати олиб, шифохонада вафот этган. Бу ҳақда ИИВ ЙҲХББ ахборот хизмати хабар берди.
Мазкур ЙТҲ юзасидан ЎзР ЖКнинг 266-моддаси 2-қисми (одам ўлимига олиб келган транспорт воситалари ҳаракати ёки улардан фойдаланиш хавфсизлиги қоидаларини бузиш) билан жиноят иши қўзғатилган.
Ҳозирда тергов ҳаракатлари олиб борилмоқда.
