ИИВ Ахборот хизмати хабар беришича, Ички ишлар вазирининг шахсий таркиб бўйича буйруғи билан лавозим тайинловлари амалга оширилди.
Подполковник Эргашев Эльёр Урдушевич Тошкент шаҳар Бектемир тумани ИИО ФМБ бошлиғи лавозимига тайинланди. Тайинловга қадар Э.Эргашев Сирдарё вилояти ИИБ Жиноят қидирув бошқармаси бошлиғининг биринчи ўринбосари лавозимида хизмат қилган.
Полковник Абдуразаков Абдувосит Абдулхаевич Тошкент шаҳар Сергели тумани бўйича ИИО ФМБ бошлиғи лавозимига тайинланди. Тайинловга қадар А.Абдуразаков ИИВ Жиноят қидирув бош бошқармаси ўта муҳим ишлар бўйича тезкор вакил лавозимида хизмат қилган.
Эслатиб ўтамиз, кеча пойтахтнинг Сергели, Бектемир ва Яшнобод туманларига янги ҳокимлар тайинланган эди.
