2020 йил январь-июль ойларида Ўзбекистон 3 млрд. 298 млн. АҚШ долларилик олтин экспорт қилди.
Давлат статистика қўмитасининг жорий 7 ой мобайнида Ўзбекистоннинг ташқи савдо айланмаси ҳақидаги маълумотномасида қайд этилишича, бу кўрсаткич 2019 йил январь-июль ойларига нисбатан 95,3 фоизни ташкил этди.
2020 йил январь-июль ойларида Ўзбекистоннинг экспорт таркибида олтиннинг улуши 39,8 фоизга тенг бўлди.
Қайд этилишича, сўнгги йилларда Ўзбекистон олтин экспортини оширган. Жумладан, 2018 йилда олтин экспортининг жами экспортдаги улуши 20,7 фоизни, 2019 йилда эса 32,9 фоизни ташкил қилган.
Маълумот учун, жорий йилда Ўзбекистон ўз олтинларини МДҲ таркибига кирувчи давлатларга экспорт қилмаган.
