ДХХ Сирдарё вилоят бошқармаси ҳамда Сирдарё вилоят ИИБ ходимлари томонидан ўтказилган тезкор тадбирда, 25 ёшли А.У. 1 ёшли боласини сотаётган вақтида қўлга олинган.
Қайд этилишича, тезкор ходим харидор сифатида Гулистондаги Халқлар дўстлиги кўчасида фуқаро А.У. билан учрашиб, унга бола учун келишилган пулни берган.
Тезкор тадбир давомида аёл пулларни олаётган вақтида ҳуқуқни муҳофаза қилувчи органлари ходимлари томонидан қўлга олинган.
Мазкур ҳолатда юзасидан департаментнинг Сирдарё вилоят бошқармаси томонидан терговга қадар текширув ҳаракатлари олиб борилмоқда.
