Ўзгидромет хабарига кўра, бутун иш ҳафтаси мобайнида Ўзбекистонда об-ҳаво иссиқ ва қуруқ бўлади, фақат бугун ва эртага республиканинг тоғолди ва тоғли туманларида қисқа муддатли ёмғир ёғиши ва момақалдироқ бўлиши мумкин.
Ҳарорат бу кунларда кечаси +20...+25 даража, кундузи +35...+40 даража бўлади. Республиканинг айрим жойларида термометр устунчаси +42 даражага етади, бу меъёрий қийматлардан 4-6 даражага юқоридир.
Қайд этилишича, 2018-2019 йилларда худди шу даврда кундузги ҳарорат +40...+43 даражага етган. Республика шимоли ва чўл зонасида ҳарорат қийматлари +44...+46 даража бўлгани қайд этилган.
Шу давр учун энг юқори ҳарорат Навоий вилоятидаги Бузаубой метеостанциясида 2019 йил 20 июлда қайд этилган, ўшанда ҳаво ҳарорати термометр устунчасининг 47.7 даража кўрсаткичида тўхтаган.
