2020 йил 17 июль соат 10:00 ҳолатига кўра, Ўзбекистонда коронавирус инфекцияси қайд этилган кишилар сони 15349 (+283) нафарни ташкил этмоқда.
Соғлиқни сақлаш вазирлигининг хабарига кўра, касалланган кишиларнинг 93 нафари карантин марказларида аниқланган. 144 нафар фуқаро Тошкент шаҳрида қайд этилган.
Яна 25 нафар киши Самарқанд вилоятида, 21 нафар фуқаро Сурхондарё вилоятида коронавирус билан касалланган беморлар билан мулоқотда бўлганлиги сабабли намуна олинган фуқаролар орасида аниқланган.
Ҳозирда мамлакатда инфекция билан касалланган 8783 нафар фуқаро соғайган. 6490 нафар бемор даволанмоқда. Уларнинг 58 нафари оғир, 7 нафари эса ўта оғир аҳволда.
