Тошкент вилояти Юқори-Чирчиқ тумани ҳудудидан ўтган Бектемир – Ғазалкент йўналиши бўйича ҳаракатланиб келган Нексия русумли автомобил ҳайдовчиси бошқарувни йўқотиши натижасида Қорасув дарёсига тушиб, оқиб кетган.
Автомобилдаги ҳайдовчи ва бир нафар йўловчи дарёдан сузиб чиққан.
Жорий йилнинг 1 июль куни туман Ички ишлар бўлимига мурожаат қилингач, автомобил деярли бир сутка давом этган қидирувлар натижасида сув остидан топилди.
ФВВ Матбуот хизматининг маълум қилишича, қидирув-қутқарув ишларига махсус техникалар ва ўн нафар ходим, жумладан, тўрт нафар ғаввос жалб қилинган.
Автомобил барча эҳтиёт чоралари кўрилган ҳолатда дарёдан чиқариб олинди.
