Республика махсус комиссиясининг навбатдаги қарорига кўра, COVID-19 билан касалланган беморлар уч тоифага ажратилди:
- инфекциянинг енгил шакллари аниқланган (касаллик аломатларсиз ўтаётган) беморлар
- инфекция ўртача оғир кечаётган (тана ҳарорати кўтарилаётган) беморлар
- инфекция оғир кечаётган беморлар
Шу муносабат билан, 5 июлдан инфекцияни юқтириб олган беморларни даволашнинг янги тартиби жорий этилмоқда:
Касаллик аломатларсиз кечаётган енгил шаклдаги беморлар шифокор тавсиялари асосида, санитария-гигиена қоидалари ҳамда парвариш учун зарур шароитлар мавжуд бўлганда, уй шароитида даволанишига рухсат берилади.
Касаллик енгил шаклда ёки аломатларсиз ўтаётган беморлар, агар 10 кун ичида клиник белгилар кузатилмаса, тиббиёт муассасаларидан чиқарилади.
Касалланган шахс билан мулоқотда бўлганлар 14 кунлик карантинни уйда ёки меҳмонхоналарда санитария-эпидемиология ва карантин чекловларига риоя этган ҳолда ўтказишларига рухсат берилади.
