Департаментнинг Наманган вилоят бошқармаси томонидан ДХХ ходимлари билан ўтказилган тезкор тадбирда, кукунни симоб моддаси деб сотмоқчи бўлган фуқаро О.А. ушланган. Бу ҳақда Бош прокуратура матбуот хизмати хабар бермоқда.
Аниқланишича, О.А. кукунсимон моддани 28 минг долларга сотишга келишиб, моддани 18 000 доллар ва 101 млн сўмга ўтказган вақтида ашёвий далил билан ушланган.
Экспертиза хулосасига кўра, мазкур кукунсимон модда аслида симоб эмас, алюминон моддаси эканлигини тасдиқлаган.
Мазкур ҳолат юзасидан ЖКнинг тегишли моддаси билан жиноят иши қўзғатилиб, тергов ҳаракатлари ўтказилмоқда.
