Тошкентдаги Versal ресторани аукционда сотилди. Бу ҳақда давлат активларини бошқариш агентлигининг сайтида хабар берилмоқда.
Аукцион ғолиби DIAMOND DRINKS CO МЧЖ бўлган. Компания бошланғич нархи 34.6 млрд сўм бўлган ресторан учун 35.3 млрд сўм таклиф қилган. Аукцион 14 дақиқа давом этган.
Аввалроқ давлат активларини бошқариш агентлиги Шайхонтоҳур туманида жойлашган Versal ресторанини аукционга қўйгани ҳақида хабар берилган эди. Бино майдони 6585 квадрат метрни ташкил қилади.
