Ижтимоий тармоқларда Тошкент шаҳар ИИББ бошлиғига манба ҳавола қилинган ҳолда, автомобилда тиббий ниқобсиз бўлиш мумкинлиги ҳақидаги маълумот тарқалган эди.
Тошкент шаҳар ИИББ Ахборот хизматининг маълум қилишича, ҳақиқатдан ҳам шахсий автомобиль ҳайдовчиси машинада тиббий ниқобсиз бўлиши мумкин (такси ҳайдовчиларига тааллуқли эмас).
Аммо шу билан бирга қуйидаги шартларга риоя қилиш керак:
– ҳайдовчи автомобиль салонида ёлғиз бўлиши керак;
– ҳайдовчи фақат автомобиль ҳаракатланиши вақтида ниқобсиз бўлиши мумкин. Яъни, агар ҳайдовчи йўл четида тўхтаса, тиббий ниқобни тақиб олиши керак.
