2 июнь соат 10:00 ҳолатига кўра, Ўзбекистонда коронавирус инфекцияси қайд этилган кишилар сони 3718 (+16) нафарни ташкил этмоқда.
Соғлиқни сақлаш вазирлигининг хабарига кўра, касалланганларнинг 12 нафари карантин марказларида бўлган (уларнинг барчаси Қозоғистондан келган).
Яна иккита ҳолат эса Тошкент шаҳрининг Яшнобод туманида аҳоли орасидан аниқланган.
Қолган 2 нафари Наманган ва Тошкент вилоятларига хориждан кириб келган халқаро юк ташувчи автомашина ҳайдовчилари.
Айни пайтда мамлакатда коронавирус инфекциясига чалинган 2859 нафар фуқаро соғайган.
Ҳозирда мамлакатда 844 нафар бемор даволанмоқда. Уларнинг 9 нафари оғир, 2 нафари эса ўта оғир аҳволда.
