Соғлиқни сақлаш вазирлигининг хабарига кўра, коронавирус инфекцияси яна 8 нафар кишида аниқланган.
8 нафар янги касалланиш ҳолатининг 4 нафари хориждан келиб, карантинга олинган, қолган 4 нафари ҳам олдиндан карантин муассасаларида кузатувда бўлган фуқаролар орасидан аниқланди. Хориждан келиб, касалланиш қайд этилган фуқароларнинг 3 нафари халқаро юк ташувчи автомашина ҳайдовчиси бўлса, 1 нафари эса Қозоғистондан келган.
14 май соат 10:00 ҳолатига кўра, Ўзбекистонда коронавирус инфекцияси қайд этилганлар сони 2620 нафарни ташкил қилмоқда.
Айни пайтда юртимизда даволанаётган 533 нафар бемордан 11 нафари оғир аҳволда.
