Соғлиқни сақлаш вазирлигининг хабарига кўра, яна тўрт нафар бемор коронавирусдан бутунлай соғайган. Улар Наманган вилояти юқумли касалликлар шифохонасида даволаниб келаётган эдилар.
Тузалган фуқаролар вилоят реабилитация марказига кузатиб қўйилди.
“Бугун менинг ҳаётимда унутилмас сана. Худди қайта дунёга келгандек ҳис этяпман ўзимни. Бизни ўйлаб шунчалик шароит яратиб берган Президентимизга беҳисоб раҳмат. Шифокорларимиздан бир умр миннатдормиз. Улар ўзларининг жасоратли хизматлари, юксак малакалари, инсоний муносабатлари билан бизни оёққа турғазишга сабаб бўлишди”, – дейди беморлардан бири.
