“Ўзбекистон почтаси” матбуот хизматининг хабар беришича, авиақатновлар тўхтатилганини ҳисобга олган ҳолда, компания халқаро почта жўнатмаларини ер усти транспорти ёрдамида амалга оширади.
Жўнатмалар амалга ошириладиган давлатлар: Австрия, Бельгия, Болгария, Венгрия, Буюк Британия, Греция, Германия, Дания, Италия, Ирландия, Испания, Кипр, Люксембург, Латвия, Мальта, Голландия, Португалия, Польша, Руминия, Словения, Словакия, Франция, Финляндия, Хорватия, Чехия, Швеция, Эстония, Украина, Хитой, Литва, Беларус, Қозоғистон, Туркманистон, Россия.
Қайд этилишича, транспорт алоқалари тикланишига қараб, ушбу давлатлар рўйхатига ўзгартириш киритиб борилади. Киритиладиган ўзгаришлар ҳақидаги хабарлар “Ўзбекистон почтаси” АЖнинг веб-сайтида ва Facebookʼдаги расмий саҳифасида жойлаштирилади.
Ўзбекистон ҳудудидаги ички жўнатмалар доимий йўналишлар бўйича амалга оширилади.
