Тошкент вилояти божхона бошқармаси “Ғишткўприк” чегара божхона постида қўшни давлатга чиқиб кетаётган аёллардан бири тилла тақинчоқларни яширинча олиб чиқиш учун 2 ёшли неварасидан фойдаланмоқчи бўлгани фош этилди. Бу ҳақда ДБҚ матбуот хизмати хабар бермоқда.
Аёл неварасининг памперси орасига тилладан ишланган 6 дона занжир, 4 дона билагузук ва 1 дона узукни яширган ҳолда, ноқонуний равишда олиб чиқиб кетмоқчи бўлган.
Божхона ходимларининг оғзаки сўровида ва йўловчи божхона декларациясида маълум қилинмаган мазкур заргарлик буюмларининг умумий оғирлиги 1 кг. 115 гр.ни, дастлабки ҳисоб-китобларга кўра умумий қиймати 334 млн 500 минг сўмни ташкил қилган.
Ҳозирги вақтда мазкур ҳолат юзасидан божхона текширувлари давом эттирилмоқда.
