Бош прокуратура ҳузуридаги Департаментининг Наманган шаҳар бўлими томонидан вилоят божхона бошқармаси ходимлари билан ҳамкорликда тезкор тадбир ўтказилди, деб хабар бермоқда Бош прокуратуранинг жамоатчилик билан алоқалар ва ҳуқуқий ахборот бўлими бошлиғи Ҳаёт Шамсутдинов.
Тадбир натижасида, фуқаро Я.О. “А” исмли шахс билан олдиндан тил бириктириб, умумий қиймати 426,5 млн сўмлик муддатлари ўтган Coldrex Limon, “Байкал М” дори воситаларини ҳамда 356 минг дона дори капсулаларига ўхшаган моддаларни қайта ўтказиш мақсадида танишининг ҳовлисида сақлаб келаётганлиги аниқланган.
Мазкур ҳолат юзасидан Я.О. ва бошқаларга нисбатан Жиноят кодексининг тегишли моддаси билан жиноят иши қўзғатилиб, тергов ҳаракатлари ўтказилмоқда.
