Тошкент метрополитенининг матбуот хизмати маълум қилишича, 2019-йил 30-октябрь куни соат 14:59 да Чилонзор линиясининг “Мирзо Улуғбек” станциясида техник сабабларга кўра (ҳаракат таркибининг ишламай қолиши сабабли) йўловчилар станцияга чиқарилди. Поездлар ҳаракати жадвалидан чиқиш вақти 7-8 дақиқани ташкил этди.
Шу куни, тахминан 16:50 да, вагонлардан бирида шубҳали объект аниқлангани туфайли, “Буюк ипак йўли” станциясида маршрут бекор қилинди. Ҳаракат жадвалидан чиқиш вақти 3 дақиқани ташкил этди.
“Тошкент метрополитени маъмурияти вужудга келган ноқулайликлар учун йўловчилардан узр сўрайди”, – дейилади мазкур хабарда.
